Duaa!!!

Tu raheem hai, tu kareem hai,

iss kayenaat ka hakeem hai.

meri zaat ko ye yaqeen de,

mere dil ko ye sukoon de.

mere nafs ko mere zer kar,

mere khwahishon ko lagaam de.

mere rizq ko tu halaal kar,

mujhe barkaten behisaab de.

meri ibaadato ko woh muqaam de,

ke woh arzoo tujhse kar sake,

ho gunaahon ki meri bakhshishen,

mujhe maghfirat ka inaam de.

lage zindagi ki jab thokaren,

mere dil me sabr ka noor de,

ho eemaan me mere kaifiyat,

mujhe hauslon ki udaan de.

tanhayee me teri yaad ho,

meri aankhen jab ashqbaar ho,

mujhe kamyaabi do jahaan mile,

mujhe rahmaten behisaab de.