Zindadili Ki Zeenat!!!

yeh teri azm ka imtihan hai,

yeh tere mustaqbil ka aghaz hai,

hoga tere qadmo me irado ka sach,

apni is raah me tu bas muskurae chal.

Kami nahi tere hauslo me,

bulandi hai teri udan me,

tahreek ki in wadio me,

tu apne pankh phailae chal.

Tu darta hai nakamyabi se?,

shiddat se tu ek koshish to kar,

falak par tera jahan hoga,

jahan k har mod par apna parcham lahrae chal.

Zindagi k araesh me kahin kho na jana,

apni ek alag pehchan banana,

Rait me tere pairon ki bisaat hi kya hogi?

Patharon par apne qadmo k nishan banae chal.

Aankho k aansu teri kamzori nahi,

wo to waqt ka ek mizaaj hai,

un motio k noor se,

tu auro ki muskurahat badhae chal.

Abhi k lie tu ek koyla hi sahi,

heere ki tarash me,

sabr -o- waqt ki aag me,

khud ko aazmae chal.

Khud ko khud se faizyaab kar,

Chod na daaman ummeed ka, na ho rahmat se ghafil

K ghalib hota hai sehar,

ekk andheri raat hi k baad…!!!